“.بلاشبہ یہ قرآن سب سے سیدھے راستے کی طرف رہنمائی کرتا ہے.”

نبی اکرم صلی اللہ علیہ وسلم کی حدیث کا مفہوم ہے کہ ” تم میں سے سب سے بہتر وہ ہے جو قرآن کا علم حاصل کرے اور دوسروں کو اس کی تعلیم دے، قرآن کریم کی تلاوت باعثِ اجر و ثواب بھی ہے اور ہدایت و بصیرت کا ذریعہ بھی”۔

لیکن آج ضرورت اس امر کی ہے کہ قرآن کریم سے اپنے ربط و تعلق کو مزید استوار کیا جائے۔اس کے لیے نہ صرف قرآن کو تجوید کے ساتھ سیکھ کر پڑھا جائے بلکہ اس کے پیغامِ ہدایت پر غور و فکر کرنے اور اس کی تعلیمات کو راہِ عمل بنانے کے لئے مستند اساتذہ کی مدد لی جائے جو تفسیر القرآن کے ذریعے صحیح رہنمائی کرسکیں۔

ان تمام مقاصد کو حاصل کرنے کے لیے ضروری ہے کہ قرآن کو تجوید کے ساتھ پڑھنے کے بعد اسکے ترجمے, مطالب و معنی اور مفاہیم کو عام فہم اور آسان اسلوب میں سمجھا جائے۔ اس ضمن میں Tutree School کے ذریعے آپ کی رسائی ہو سکے گی قابل اور باشرح معلمات تک جو ہر عمر کی بچیوں، لڑکیوں اور خواتین کو ان کی ذہنی استعداد کے مطابق تفسیر القرآن کے ذریعے قرآن کے پیغام کو سمجھنے کا سفر طے کروائیں گئی، اسے اپنی عملی زندگی میں شامل کرنے میں مدد بھی کریں گی۔
“بے شک قرآن رشد و ہدایات ہے اور آج کے دور کی اہم ضرورت ہے۔”

اس سلسلے میں ہم نے بنیادی تا ایڈوانس درجے پر مشتمل یہ کورس ڈیزائن کیا ہے جوکہ خالصتاً اردو اور عربی زبان میں ہوگا۔ وہ لڑکیاں اور خواتین جو وقت کی کمی یا باہر جانے کی دقت کی وجہ سے اس پر کارفرماں نہ ہو سکیں۔ اب گھر بیٹھے آن لائن کلاسز کے ذریعے اس نیک مقصد سے مستفید ہو پائیں گی۔